المجلس الامريكي للاعمال

المجلس الأمريكي للأعمال (American Board of Business) جهة متخصصة بالتعليم والتدريب المهني بمجالات الأعمال، وبتقدم برامج تساعد الأشخاص والمهنيين على تطوير مهاراتهم وفهم مجالات مثل إدارة الأعمال، التخطيط، إدارة المشاريع وريادة الأعمال.

كان عندهم مجموعة من البرامج والخدمات، لكن التحدي كان بطريقة تقديم كل هالمحتوى للزائر. الشخص اللي يدخل على الموقع لازم يفهم بسرعة مين هي ABB، شو بتقدم، وأي برنامج ممكن يكون مناسب لإله، بدون ما يضيع بين كمية المعلومات الموجودة.

أول ما بدأنا بالمشروع، شفنا إن المشكلة مو بنقص البرامج أو المحتوى، بالعكس، كان في مادة وخدمات كثيرة ممكن تنعرض بشكل أقوى.

الفرصة كانت إننا نحول الموقع من مجرد مكان فيه معلومات عن البرامج إلى مساحة تساعد الزائر فعلًا يفهم الأكاديمية والخيارات الموجودة قدامه.

لأن الشخص اللي يبحث عن برنامج مهني غالبًا ما بيكون عنده قرار جاهز من أول لحظة. ممكن يكون عم يقارن بين أكثر من برنامج، أو عم يحاول يعرف شو المجال الأنسب إله، أو ببساطة بده يتأكد من الجهة اللي رح يحصل منها على التدريب.

لهيك كان لازم الموقع يعطيه المعلومات اللي يحتاجها بالوقت الصح، ويخليه ينتقل من التعرف على ABB إلى استكشاف البرامج والتواصل معها بطريقة طبيعية.

قبل ما نبدأ التصميم، درسنا رحلة الزائر المهتم بشهادة مهنية:

الزائر بده يفهم بسرعة شنو نوع الشهادات المتوفرة وليش يثق فيها (اعتماد، اعتراف عالمي، جودة المحتوى).

كل برنامج (إدارة مشاريع، تخطيط استراتيجي، ريادة أعمال. لازم تكون له صفحة واضحة توضح محتواه وفايدته المهنية.

المتقدم يحتاج مسار واضح ومباشر من التعرف على البرنامج لحد التقديم الفعلي (Apply Now)، بدون خطوات معقدة.

جهة الاعتماد لازم يكون عندها نظام واضح للتحقق من صحة الشهادات (Credential Validation)، عشان تبني ثقة إضافية مع أصحاب العمل والمتقدمين.

صممنا وبنينا موقع ABB بالكامل من الصفر:

هيكلة واضحة للمحتوى نظمنا الموقع بأقسام واضحة (من نحن، قصتنا، خدماتنا، آراء طلابنا، أهدافنا)، عشان الزائر يفهم هوية المنظمة وقيمتها بسرعة.

عرض احترافي للبرامج بنينا لكل برنامج مهني عرض واضح يوضح محتواه والمهارات اللي رح يكتسبها المتقدم، مع دعوة مباشرة للتقديم على كل برنامج.

مسار تقديم مباشر خلينا زر "Apply Now" ظاهر وواضح بكل صفحة، عشان أي زائر مهتم يقدر يبدأ إجراءات التقديم بأقل خطوات ممكنة.

نظام التحقق من الشهادات ربطنا الموقع بمنصة تحقق مستقلة (Credential Validation) تتيح لأي جهة توظيف أو طرف ثالث يتأكد من صحة الشهادة الصادرة، وهاد بيعزز مصداقية ABB كجهة اعتماد فعلية.

النتيجة كانت موقعًا يجمع برامج وخدمات American Board of Business ضمن تجربة رقمية أوضح وأكثر تنظيمًا.

بدل ما يدخل الشخص على الموقع وهو عم يحاول يفهم من وين يبدأ، صار عنده مساحة واضحة يتعرف فيها على ABB، يستكشف البرامج، ويفهم الخيارات الموجودة أمامه قبل ما ينتقل للخطوة التالية.

وبالنسبة إلنا، الهدف ما كان بس نعمل موقع جديد، وإنما نرتب تجربة ABB بطريقة تخلي قيمة البرامج والخدمات توصل للزائر من أول زيارة.

من مجموعة برامج وخدمات في مجال الأعمال، إلى تجربة رقمية أوضح تساعد كل زائر يعرف من وين يبدأ.